雲淡風輕

明報：阿蘇為賺兩億重讀「幼稚園」

2010-09-24T04:27:00.005+08:00

【明報專訊】有人經歷大病之後，看淡名利，食評家蘇施黃(阿蘇)卻反其道而行，5年前知道自己患上癌症時，驚覺原來家人很擔心她的財政狀，因而在病癒後，誓言10年內要賺2億元。為達到目標，將過去成就抹去，當自己「重讀幼稚園」學做生意，更不恥下問，四出請教已賺了兩億元的高人。

大病後反而奮發搵銀
阿蘇說，在大病之前，她的人生目標很簡單，就是求開心。吃喝玩樂是阿蘇的開心泉源，以往在求學時期，返學亦只為求有同學陪玩，「會考得3分，有人問我你在哪裏讀書，我說我只是返學，沒有讀過書」。當時雖然已有電台、電視台、寫稿等收入，但都給阿蘇拿去求開心，所剩無幾。

第一個目標年賺千萬已達成
直至2005年底，突如其來的癌症令她收入大減。「當時要做電療，有日見精神好點，約朋友去tea(飲下午茶)，落樓之後，整個人像拔了電掣般，立即返回屋企。當時其他工作都停了，剩下電台一份，收入只夠交租及生活費。」結果，他做建築生意的哥哥，開了一張支票給她。阿蘇拿支票，赫然發覺自己50歲人，在家人眼中原來還未長大。

病癒之後，她立志搵錢。2006年她定下第一個目標：一年賺千萬元。她透過把自己的節目由有線電視搬到更多人收看的無線電視，結果成功在3年後(去年)達標。

賺了千萬元後，她要再為自己定一個更長遠的目標。「我計過自己一年使費300、400萬元，老豆老母90歲都未『瓜』，我不想過百歲，但今年55可能還有45年命，這樣乘起來，就要1.6億元，於是我決定齊頭，10年內要賺兩億。」

阿蘇說在演藝界，她自問已算大學畢業。但要從商，就要當自己重讀「幼稚園」。於是她四出問人意見，當然是找那些已有能力賺兩億元的人，其中原來包括精電(0710)行政總裁蔡東豪及壹傳媒(0282)主席黎智英。

蔡東豪教路：無本生利不炒股樓
蔡東豪告誡阿蘇，要賺兩億，做什麼都好，第一，一定不要從口袋中拿本出來。第二是「斗令」都不要想靠炒股炒樓，因為這是靠運氣。

要無本生利，阿蘇說令她「爆頭」。但後來她開始明白蔡東豪的苦心。「今年年初有個朋友辭了工，跟我說想開火鍋店，他儲了200萬元，我跟他說你不如把那200萬元給我吧。單靠你想著火鍋店有得做，就拿錢出來，一定蝕死你。」

阿蘇說自己請教人之後會很聽話，「做生意自然會想租個辦公室，請人，但有開支你就好易死」。所以，她現在做節目，也沒有自己的製作公司，將所有工作外判，自己只要埋位做節目，就有錢袋落袋。

她賺兩億的大計，由《蘇Goods》的品牌開始，她說兩年前已註冊了這商標。第一步籌備生產鮑魚、魚子醬及西班牙火腿三樣貴價食品。「試驗場一定要細，當年我先做有線電視，Market(市場)較細，可以告訴你什麼是對，什麼是錯。所以要先做小量，做大了就沒有回頭路」。

大花筒老來學節制
她「無本生利」的算盤是請朋友到她家吃過鮑魚後，就請大家付錢落單，然後她才買貨，一來不用囤積，二來不用自掏腰包買材料。阿蘇連印《蘇Goods》產品的Catalogue(介紹單張)，也計過度過。「他們說要10元一張，我話殺了我咩。結果我決定用手畫，然後影印。」連串起Catalogue的戒指圈，她也到內地張羅，最後在阿里巴巴網上訂貨。

做慣「大花筒」的阿蘇，55歲來學節制。「上帝一定要你學滿師，然後才會讓你上天堂的」。

=====================================================
自恃聰明做保險鎩羽

【明報專訊】阿蘇年輕時未能在香港升讀大學，於是負笈加拿大，完成大學課程。回港後便加入商業電台，後來離開電台做了12年保險從業員。入保險公司兩年，阿蘇已躋身保險從業員最頂尖的百萬圓桌成員。但12年過後，她黯然離開保險業，更欠下公司款項。

跳槽是掩飾自己失敗
「我識得人多，所以加入保險行業，初時業績很好。但到我要組織一個保險團隊時，就做得不好了。我連自己也不想管，怎叫我去管人？」她說，除了保險外，她試做過其他寫字樓工，「每朝七點九就要起身，那幾年真的想死」。

做保險成功了兩年之後，業績下滑。「每次我去到樽頸，都是跳不過就失敗了。當時我有個機會跳槽，以為有生機，其實我是以跳槽去掩飾自己的失敗。」在離開保險行業時，更要拖欠公司50萬元，這是她要支付予下屬的薪金開支。

自言是兔賽跑的兔子
阿蘇自言當時工作上一直「定錯晒目標」，自恃小聰明可過關。「自己有小聰明，很多工作catch up(上手)快過人，好似兔賽跑，自己就是那隻兔，雖然別人蠢過你，但如果他默默耕耘，一定會爬你頭。當人追過我時，我又不會想是我唔妥，只說是份工唔妥，最後就轉工囉。」

====================================================
眼角高有錢但無樓

【明報專訊】阿蘇去年收入逾千萬元，但她仍然是個無殼蝸牛，原因是她買不起她想住的樓，在跑馬地的居所是租回來的。「我個人眼角高，買得起的樓唔想搬入去住。想住的樓就買唔起。早前我睇過我正在住的樓，賣3000萬元，現在已升值至4000萬元，單計首期已要1600萬元，我就沒有那麼多錢」。

「其實我這類人中間有很多創傷，有幾個朋友，都搵很多錢，但只能租樓，他們跟我一樣，住慣了的樓買唔起。」就是這個原因，阿蘇從未買過樓，現在也沒有計劃置業。

===================================================
身無長物就要去學去做

【明報專訊】當你讀完阿蘇的2億元大計，你會問，我都沒有阿蘇那麼出名，怎能學她一樣靠自己的招牌賺錢？阿蘇給你的答案是：「你話自己身無長物，那就要去學些長物回來，學好了，便可以去賣囉」。

想有農場學種菜
「我都是因為逼自己不斷想怎樣賺兩億，於是覺得自己身無長物，就要去催逼自己。」阿蘇的「長物」，包括認真地了解每一種食物。「我好想有個農場，學種菜」。原來鏡頭前牙擦擦、自言識飲識食的阿蘇，也發現自己對什麼是好食的東西一知半解。

「有個女仔幫我電髮，有一日她給我一個薑種，瘦奀痂似的，但試過之後，我先知道這東西才是薑，我們吃慣的薑都是泡水泡了很久的……我又發現街市買的中芹，不是中芹，新鮮割下來的中芹，根本不是那種味道。」

她就發現，要做食家，還有很多東西要學。「最新的東西我一定要學，那麼多人拿住部iPhone 4在看電視，我又要去試」。

阿蘇自言10年前，她開始靠飲飲食食在電台殺出一條血路，都是不斷嘗試的結果。「你可能要試30樣、50樣東西，只有一樣成功」。

「幸運是只會發生在勤力的人身上。我應該要多謝上天，賜給我這天分。但每個人都有的，上天一定有一樣東西給你的。你不知道，可能是還未夠心水清，或者你甘於平庸」。

年輕人少說多做不要急給意見
對於時下年輕人，阿蘇的忠告是多做事，少說話。「你大學畢業，好似好犀利，但出來做事只不過是個幼稚園學生。要有humbleness to learn(謙虛去學習)……如果我是你boss(老闆)，點解我要告訴你Why(為什麼)，我是boss，我會向你說『Why Not？』不要想要表達你的意見，你夠分量時，別人自然會走來問你的意見，你就是默默地去幹，I don't need your opinion(我不要聽你的意見)。」

=================================================
阿蘇重關節炎鏡頭後痛不欲生

【明報專訊】大家在公仔箱前看阿蘇炒切菜，一副大廚模樣，很難想像原來她患上類風濕關節炎，手腳關節經常痛得要命。這個病已纏磨了她3、4年，但她咪前、幕前的工作，卻從沒受影響。「我都唔知點解，一做節目就好似上身一樣。上台講前，一步都行唔到，但要上台，一上去就上身」。

開show如上身
阿蘇在2005年底發現患上乳癌，做手術後，她發現自己的骨骼開始痛。類風濕關節炎令她的手腳關節腫脹。阿蘇說最痛苦的日子，晚上也不能熟睡，只能在半休息狀態。幸好她找到一位好醫生，令她如「脫胎換骨」一般。「醫生會幫我排好每節脊骨，原來醫生話你的骨歪了，便會出現不同的徵狀。」說，阿蘇在沙發上示範她未看這位良醫之前的苦。她說當時早上起，坐在邊，要雙手撐，把身仰後，然後身體和腳有如盪韆鞦般搖擺，才能叫整個人站起來。現在經良醫診治，行動已自如得多。

雖然阿蘇自言很貪玩，但她對「出show」卻很執著，關節炎令她怎樣痛，也不會放棄。「有時手痛得不得了，但在幕前炒又搞得掂，最多炒完又痛到死。」

2005年10月，星期五她做完切除癌細胞手術，兩個星期後的星期三，她已可以返回電台開咪。「我commit(承諾)了去做東西，我會叫自己一定去做。」問她病魔纏身，可曾有半點埋怨？「我知道生cancer(患癌)，反而會說好彩是我。我走了真的沒所謂，無兒無女，冇人冇物。當然我也不想我比父母先走……還有我知道自己會去邊，有人說天堂很開心，只要幫上帝替花朵起名字。」

撰文﹕龍彩霞、高志堅 2010年9月20日

原網址：http://www.mpfinance.com/htm/Finance/20100920/Columnist/my_mya1.htm

重建小世界

2010-08-01T03:16:00.002+08:00

電腦壞了，來得非常突然(其實已有一點徵兆，只怪自己太老定)，沒有備份。幸好重要的資料我各來放在另一個硬體儲存，但沒有了部份資料真是不方便，程式也要重灌，挺費時就是。

就當是來一次大掃除吧﹗慢慢地、一點點地重建這個小世界，也是很有趣的事。

你怎能不明白我？

2010-07-07T03:40:00.002+08:00

偶然翻看到初出來社會工作時的日記，原來那時的自己，雖然面對很多挫折及失敗，卻又可以很快站起來，兼會自動啟動輸出正能量裝置，嘩﹗真巴閉﹗

最近遇到一些討厭的人，卻又要被迫面對，我個friend提議買西餅蛋撻去討好一下。首先，我不是認為這樣做好cheap，反之是具交際手腕，是優點。但我做不到，係，我係好倔強又唔識做人，一向如是。現實世界有太多事要我們妥協、改變，如今只要求自己保留小小的氣性，讓我可以喜歡自己多一點，但你，怎能不明白我？

吃定了

2010-06-27T04:34:00.003+08:00

有一日，我和阿膠無啦啦說起誰吃定了誰：

阿膠：「老闆娘食住水電貓，水電貓食住你，你食住我。」

May：「咁你食咩？」

阿膠：「我？食蕉囉﹗」

原來如此，明哂﹗

理得你地邊個食邊個，我有野食就得啦﹗

期待Toy's Story 3

2010-06-27T04:16:00.005+08:00

7月15日「Toy's story 3」上映﹗終於等到了，還有半個月，現在看trailer頂癮~

友人奇怪三眼仔在1、2集只出現幾分鐘，何解會這麼受歡迎？我也不知道，只知經常三位一體的三眼仔一齊說「wow~wow~」、「嘩~嘩~」，聽起來十分抵死。

有人說日本的三眼仔產品手工好得多，香港的多數「豆雞」，哈哈﹗梗係，三隻眼咁迫，要將就一下啦﹗

Karl Yune

2010-04-29T03:47:00.005+08:00

上星期明珠台播「狂蟒之災2」，

竟然在一堆勁假的蛇中發現一個型仔!!!!!

不過去到中後都係被蛇食左……（真識食呀吓）

我為咗睇多幾眼，於是又翻睇了一次這套戲，又在網上找到少少資料。

Karl Yune，韓裔美籍演員，35歲

較為人所知的應該是08年05月13日美國《People人物》雜誌，
把Karl Yune誤認為是Rain，並錯刊了Karl的照片，
可能是因為Karl亦有份在《極》片中演出，飾演Rain的保鏢。

但……他明明比Rain型得多嘛﹗

Toy's Story

2010-04-26T05:32:00.001+08:00

記得記得

2010-04-23T02:21:00.000+08:00

在2010年4月2日，我這樣說過：

容忍係有限度，唔反抗、合作就話你"林善"、冇態度，反抗堅持自我，就話你兇，唔敢再叫你做野，向上司哭訴。我曾經好天真好傻，以為我呢d potato king冇殺傷力，原來都可以當踏腳石用，得閒搵下錯處證明自己的存在價值，練下金手指功升呢。可能你覺得我係度呻好唔大方，但我要咁大方做咩呢？豁出去又如何？就因為我忍耐，所以淪落至此。你俾我post2日咁多啦﹗唔好問，甚至可以唔睇呢個無聊post，我只係想講：喵~~~~~~~~

分亨－別為我做甚麼

2010-02-07T22:23:00.000+08:00

別為我做甚麼 2010年02月03日

台灣漫畫家蔡志忠獲頒十大傑出青年獎，上台致辭時，表達了對父親的謝意：「感謝我爸爸，他沒替我做甚麼，讓我可以自由畫漫畫。」

蔡志忠十五歲輟學離開家鄉，去台北從事漫畫創作，離開前一晚，才把自己的決定告訴父親，得知兒子已經找到工作，父親便不再多言。這一幕看在旁人眼中或許有些不近人情，卻令蔡志忠感慨萬千，憶及往事，他說，「我們恨父母，都是因為他們硬要我們做甚麼；我們感謝父母，都是因為他們沒替我們做甚麼，讓我們自由。」

中國式家長太習慣替孩子做甚麼，決定孩子的興趣愛好，規劃孩子的未來，限制孩子的自由，把自己未竟的夢想交託孩子完成。常常不記得，或者從來不記得孩子是獨立於他們生命之外的另一個生命，孩子擁有自己的人生，有自己的夢想，有自己的計劃，有自己想走的路，有自己必須體味的人生經歷，包括在路上跌倒、爬起、痛苦、流淚、灑血，然後汲取經驗，走得更好。

我們總是誤會，愛一個人就是把我們認為的好東西強加給對方，如果對方竟然不肯接受，那就是不領情。愛子女如是，愛情人亦然。這種強買強賣的愛其實包含太多獨斷專行的成份，以全盤掌控對方為目的。愛的最美好禮物是尊重和自由，尊重對方規劃自己的人生，給後者自由地繪畫自己的人生的權利。
所以，別為我做甚麼，才是愛的理想境界。

（高慧然）

2009-12-04T04:17:00.002+08:00

我好眼訓。

近來，好像與世界脫了節，有很多事也不知道，想拚命地生吞大量資訊。

但無論在公司抑或家中，都有無數的工作等著我，

而我，偏偏很眼訓。

2009-07-07T03:49:00.000+08:00

人生最美好的十年，
卻是我最憂鬱的日子。

2009-07-05T04:30:00.000+08:00

世上有很多不公平之事，
要不接受，要不改變。

2009-06-02T04:02:00.001+08:00

世上最詭異事件之一，
是在凌晨4點鐘，
你上司在facebook add了你，
哈哈哈哈哈哈!

貪嗔癡

2009-05-22T04:50:00.002+08:00

小時候，最大煩惱是功課同考試，
抄生字、默書（仲要係背默那種）、copybook、寫毛筆字……
最愛看卡通片，
成日擔心大個後要工作，
那心愛的卡通片怎辦？
當時已盤算好，
賺錢後第一件事是買部錄影機，
天天錄起閃電傳真機，
放工回家煲過夠。

歲月悠悠，回首一望，
小時候的煩惱，特別的單純，
現在，太多貪、嗔、癡，
無法悠然、平靜地生活。

2009-05-18T04:14:00.004+08:00

tom：你一晚餵隻衰貓2次，使唔使咁多呀？
may：佢可以留返宵夜同早餐食0家!
tom：咁去夜總會玩，會唔會隔日先叫條女出街？
may：…………ok，you win!!!

水電貓：咪講咁多，快d開咗包偉嘉先啦!都唔識做既!

mastina

2009-05-14T04:50:00.004+08:00

近年很喜歡mastina的衫，
顏色很漂亮，設計自然簡單，
不會太女性化但有女仔味(即係少女同中女中間囉~)，
總之我好鍾意。

呢件好呀，可以遮掩下我對「肉臂」。

紅!!! I like it!加上長身設計，

可以遮肥臀、肚腩同小粗腿!

白!我鍾意的顏色，好處同上，故入選。

當初沒打算買的，但sales話買多件有唔知幾多折，
所以又拎去試，oh~鮮黃色，同事話好醒晨。

呢個袋，係買滿唔記得幾錢送，聲稱$250，
但俾我就一定唔會買，呢個都唔係咁鍾意……

2009-05-12T04:26:00.000+08:00

近日迷上facebook小遊戲，嘻!

這個RC好好玩，聽到收錢聲真舒暢。

連tom的facebook也霸了來玩，

方便我換食材。

在自己店內，則指派他去洗廁所，

手腳倒也勤快利落﹗

農婦

2009-04-16T04:44:00.001+08:00

近來被我同事捉去facebook耕田，
放工後還趕回家收割，
好勤奮呢﹗

2009-03-31T05:00:00.001+08:00

突然重新整理這個日記，
本想諗住唔要、或者唔寫，
不過，都係唔緊要，
做番自己，開心就得啦﹗

(2009/3/18)王冠一教授對蘋果日報編輯，暫停他的財經專欄作出回應︰

2009-03-23T04:04:00.003+08:00

蘋果日報在3月16日(星期一)，暫停他的財經專欄(國際視野) 。王冠一教授在3月18日(星期三)在其個人網台節目內(王冠一財經頻道)作出回應。

面係人0地畀，架係自己丟!
自己瀨咗野，仲大聲夾惡鬧人?
王生，你自己做過咩事，你心中有數，
嘿!

《西門無恨》楊鈞鈞

2009-03-20T01:59:00.000+08:00

此片出自《西門無恨》一劇，女角名為楊鈞鈞，
她好像是富戶，自資拍劇，並起用圈內英俊小當男角，如劉德凱及焦恩俊。
這套半原創電視劇後來被網民爭相傳覽、極富話題性，
焦點嘛，都是楊鈞鈞演出被劇中男主瘋狂愛上的「妙齡美少女」，
哦!她好像扮演過小龍女添!

去片!

蘋果日報 - 菜譜煮精液生蠔

2008-12-05T04:03:00.007+08:00

激情男女無懼腥臭潮跟

坊間盛傳男子吞下精液，能夠以形補形，強身健體。信不信由你，外國飲食愛好者Paul Photenhauer便出版《天然成果》（Natural Harvest）一書，推出精液食譜，反應熱烈，有網友更說和女友一起分享精液食物，可促進情感。

精液餐成最潮食品
精液腥臭無比，《天然成果》卻推崇備至，指精液「堪比佳釀和芝士，味道有點複雜，但充滿激情」，最難得是精液是免費的，只要家有男兒即可入饌。

《天然成果》認為，精液是上佳調味料，並推出精液生蠔、精液金鎗魚生魚片、精液米奶。《天然成果》售25美元（約194港元），目前售出200本。Paul Photenhauer也在網誌寫下炮製精液米奶的食譜，35,000人點擊。精液餐，可能成為最潮食品。 digitaljournal.com

生蠔以精液調味，你會試嗎？

不知何故，我看完這則新聞後，腦中不斷浮現方太/李太/Annie/李錦聯示範煮菜的畫面：
今日同大家示範一個餸，就係精液生蠔同精液金鎗魚生魚片，
好0岩聖誕節一家大細一齊食，做法好簡單，首先要有……

蛇羹

2008-12-05T03:48:00.005+08:00

前幾日我老細益我咁話，有個飯局食蛇羹特登俾我去，
公關小姐問我揀雞湯定蛇羹，我就一定唔飲雞湯，
加咁大個女都未食過蛇，就博一博啦~

點知……完全接受唔到，
外觀同碗仔翅好似，不過味道就有點怪及苦澀，
吃了半碗已受不了，但席間大家言談甚歡，
我只好再吃下去，一直吃到最後一道菜。

食完後，我即衝到廁所嘔，
但原來廁所內有很多行家及公關，
於是我咬緊牙關，走到ifc才嘔，忍得我好辛苦……

回到公司一面疲憊，老細問：「係唔係好好食呢?」

相片來源：openrice

2008-12-02T02:17:00.000+08:00

水電貓唔開心，
我都唔開心。

天氣，很冷。

夾相

2008-10-14T04:08:00.006+08:00

今日我果組，4個人12點不斷車衫，阿姐話好似工廠妹趕貨咁……
我話似黑奴多D。

其實我每日都要將要和news編輯夾相，以防撞相，
不過今日忘了，12點去了菲林才記起(撞左一定被人媽到反肚)，
但為求安心都走去睇睇，
show張相出來，大家「0車」了一大聲，問：「係唔係玩野呀？」
哈哈!

因為果張相係……
………
………
………

pizza!

Manga Avatar

2008-09-23T04:13:00.005+08:00

看人家的blog上看到這個Manga Avatar，是做頭像的小工具，

就試著砌(半夜三更砌了好久，我真無聊啊~)，嘿!

我算是相當老實啦，細眼、暗瘡也show出來，

十分寫實啦~

金融海嘯

2008-09-17T04:13:00.004+08:00

真係大煲﹗今日返到公司，不停做、做、做，好似打仗咁，

放大假的同事都被召回伍(除了大叔，證明呢……佢對公司幾重要)，

雷曼申請破產、美林被收購、AIG撲水度難關，

估唔到次按話未見底、未見底，但原來可以拖累咁多金融巨企(仲有我)，

我覺得AIG對一般市民好似影響較大，

好多人佢阿仔AIA買保險，如果阿媽有事，果D保單會點？

阿姐阿哥成日同我講，買保險就唔好連投資，
佢話齋保險有保監處保障，
但投資相連保險及有紅利的人壽儲蓄保就難講，

唉，好在我未買保險。

以前好景時，投資銀行高薪搶人、花紅多到你眼紅，不過現在風光不再，多間投行倒閉，而且市場指爆煲企業陸續有來。各有前因莫羨人。

Tom就對是次事件暗笑，因為AIG贊助曼聯。

由年初至今，AIG股價跌咗91%。驚﹗

中秋節

2008-09-16T04:19:00.003+08:00

中秋正日出去食飯，罕有地可以叫海鮮，

見到隔離枱有巨形蟶子，咁又叫來試試，

其實我想食炒蜆，但阿媽阿爸對蜆好有偏見，

話好多沙、唔乾淨、最污糟(可以想像到佢地面容扭曲、咬牙切齒咁吐出這些字)，

所以炒蜆呢味菜，好似從來都冇係屋企出現過，

well，所以我出街都好恨食﹗I'm seafood Queen﹗

食食吓、講講吓，講到去旅行，再講落去，

竟變成下月同佢地一齊去北京﹗﹗﹗

仲要係參加旅行團？(咁唔通叫佢哋自由行做背囊友咩?)

聽日我仲要即刻返公司請大假，好趕。

其實我有好多假，一直都沒有想過放，

冇錢冇物做得啲乜？

不過我老豆說好想好想去長城、鳥巢同水立方，

阿媽又話去啦去啦，

所以，就咁決定咗﹗

「從前，有家人，食食吓巨型蟶子，一個月後去咗北京旅行。」

《我們的低能婚禮》熱賣1.8萬本

2008-07-31T04:12:00.003+08:00

特稿《我們的低能婚禮》熱賣 1.8 萬本

受到四川地震和奧運舉行在即的影響，不少參展商指出，國情類書籍在今年書展突圍而出，相關書籍較為熱賣，但總括而言，仍以小說最受歡迎。今年股市淡靜，去年大熱的金融類書籍風光不再，取而代之的是一些比較輕鬆的圖文書，其中由馬仔著的《我們的低能婚禮》，大賣近 1.8 萬本，是今年書展的大贏家。

資料來源：蘋果日報

yeah~好勁呀馬仔!!!!

談‧Angelababy及Jancie Man

2008-07-31T03:44:00.004+08:00

今日下講兩位熱爆的"靚模"--Angelababy及Jancie Man。

對她倆的印象就是mk妹，初時覺得jancie靚少少，

因為個樣串串地，加上在「愛鬥大」的黑髮look幾討好，

所以都會留意佢多啲。

不過可能這陣子有較多angelababy的報導，

發現她每次的造型都令人耳目一新的感覺，

可塑性極高，而且輪廓明顯較jancie深，

淡妝下更有氣質，

而近日的麥噹噹廣告拍得她很優雅、很有詩意，

我覺得她摒棄那些厚妝，會更漂亮。

see?兩個完全不同的感覺

素顏

講開又講，麥噹噹找她拍廣告，

好似規定她不可化濃妝，

也不可以戴大眼仔。

又減肥

2008-07-30T03:18:00.003+08:00

近月真的肥了很多，從來不長肉的臉也圓渾不少，
我把2年前到星加坡出trip時的照片貼在電腦上，
以警剔自己別再肥下去。
豈料同事們竟問我：「這個女孩是誰?」
無言啊……

他們說相比起照片所見，我真的肥了很多很多很多，
知啦知啦，減囉!
而這班好抵死的同事和我阿姐，聽到我話減肥都非常雀躍，
仲以本傷人，經常請我食tea同飲可樂，仲要係全脂果種啊!!!
但我係唔會認輸，11月前，我要瘦20磅!!!

你要我跳樓死，都要俾時間我搭"車立"0家﹗

2008-07-29T03:42:00.004+08:00

放了2日假，一回到公司就做到手唔停、腳唔停(因為要來往版房)，
新同事試畫了今天的版面，之後阿姐就叫我接手跟，
改得近乎是散版，5點多才把版面重新砌好，
6點阿姐就問：「有版睇未呀？」

？？？﹗﹗﹗

你要我跳樓死，都要俾時間我搭"車立"0家﹗

唉，今日足足俾人散咗3次版，最後一次喺10點，
而簽版的時間，是要在10:30pm之前。

工作，真令人好疲累。

2008-07-14T01:52:00.002+08:00

近來頗黑仔，隨身身一件一件的爛了。

某天梳頭，手滑了一下，梳掉到地上就斷開了兩截；
鏡盒跟摺梳又雙雙殉情；
前幾晚戴頭箍時，竟無啦啦裂開了，
我的頭大了嗎????!!!!!

三生有恨

2008-07-09T04:15:00.003+08:00

如果排版佬心情好時，
都幾好人又好好笑。

may：balabala…(唔知講緊咩)，嘿﹗你有我呢個美女做拍檔，真係三生有幸呀!
排版佬：係呀，直情三生有"恨"啦!
may：哈哈哈~其實你會唔會頂我唔順辭職呢?
排版佬：唔會!但我會"扇"你一鑊，等你俾人炒!
may：?!!!咁毒!

1.2億

2008-07-07T04:34:00.002+08:00

冇，冇咩野嘅，只不過將1.2億打錯成1200萬啫﹗
阿姐問：「我放完假返黎仲見唔見到你呢？」

是夜，訓唔著(倒不是為了1.2億)，
把水電貓的相片重覆又看了幾遍，
這張的牠好悠閒啊~

水電舖的老闆娘話：「你睇佢坐得幾舒服。」

pizza hut - 歡趣無限2人套餐

2008-06-29T04:28:00.003+08:00

阿膠係一個好鍾意食嘢嘅人，不過又好偏食，
而且仲偏得好奇怪，例如唔食魚，但會食魚柳飽，
唔食冬菇但又食磨菇，
絕對係本翻唔完嘅飲食字典。

其中佢最熱愛的食物就係pizza同pasta，
今次我們去的是pizza hut(原來我倆沒一起去過)，
點了個2人餐，有2杯餐飲、餐湯，可以選一個pizza同pasta，
唔食海鮮的他就點了肉醬意粉，另外就是parma pizza。
我仲加錢要了一個salmon pastry，好正!!!!
個酥皮好好食，湯入面有大大塊的三文魚，
咸咸地好似有煙醺過，不過d湯就冇咩味，只係d魚好食。
最好食都係個pizza，我最鍾意食薄批，
脆脆地加上有好多芝士同最愛嘅parma火腿，
我同阿膠爭住食~
至於個意粉就不過不失，因為我向來都唔好。
「歡趣無限2人套餐」，埋單$216.2。

==酥皮三文魚湯 ==
== 巴馬火腿特薄脆批==

==肉醬意粉==

題外話：

「如果你第時個仔學你咁偏食，咁點？」
「我會同佢講，你係唔係想大咗學老豆咁膠？」
「……咁佢一定連生芫荽都放落口喇﹗」

整理工作枱

2008-06-28T04:56:00.003+08:00

今日阿姐大佬老細全部放假，嘿﹗

本來可以早走一點，不過黎緊我連續放3日假，

突然就好想整理一下張枱，向來都好亂，

我通常係枱嘅左邊做野，不過電腦嘅主機都係同一邊，

所以成日覺得好迫同唔就手，

咁我就趁今晚冇咁多人係度，就移下d位，

點知我一整就整到成3:00am，

(因做完手頭嘅工作都1:30am，而且電線要繞到別處)，

真係無聊到暈呀﹗

無啦啦半夜三更係公司唔走，

就為為咗將部電腦由枱嘅左邊移到去右邊，

連我自己都頂唔順，阿膠知道後都話我真係好無聊。

不過整完後真係多咗地方用，好整齊啊﹗

(待補相)

==整理前==

elecom earphone

2008-06-27T03:13:00.003+08:00

係Mina見到個廣告，好靚好elegant呀﹗
不過一定好貴。

特徵

寶石般自然透明光澤，襯托女性高雅魅力

典雅圓形設計，瀰漫溫柔女人香。

使用天然寶石切割方式，折射出自然光彩，淡淡的柔和色澤凸顯女人味。一角再綴以晶亮的萊茵石，展現低調華麗。

僅有3g重的輕盈體態，不對耳朵造成負擔，輕鬆再現高低音域平衡好聲音。

遮音性強、貼合耳部的內耳式設計，有效阻擋外界噪音，在盡情享受音樂的同時，聲音不外洩，不會干擾其他人也是一大特長。

滑動式調節器，防止線路纏繞。

另附有XS．S． M三種耳塞，可依耳朵大小挑選最舒適的尺寸使用。

http://www.elecom.hk/index.asp

魷魚鬚

2008-06-23T04:17:00.003+08:00

好想養貓好想養貓好想養貓呀呀呀﹗﹗﹗

魷魚鬚﹕女仔，兩個月大，黃色，超可愛
http://hk.myblog.yahoo.com/olausen-lisa/article?mid=15743

2008-06-22T03:13:00.004+08:00

認真搞笑，下晝阿膠打來叫我起身出街玩，
我望望個鐘都係3:00pm，就想訓多陣，
近4點前左右起身，行出廳見到個鐘係5:50pm呀﹗﹗﹗
原來床上個鐘停咗，真係大鑊，因為我約咗人6:00pm係油塘交收呀……
即刻打電話俾個賣家，好在佢住係油塘，未出門口。
唉……

今日去咗「外野手」食放題，d野好好食，不過我同阿膠好似細食咗，
叫左2 round都飽，而且仲係食得唔多，
睇嚟任食類嘅野唔合啱我哋喇﹗
不過燒粟米真係好好食呀﹗

(下面d相係我用阿膠新寵Nikon D40影嘅)

==甜蝦冇上次咁鮮甜，反而係真珠帶子好得，淡淡的鮮味==

==栗米，好難會整得唔好食==

==後面係和牛壽司，當然唔係真和牛喇，味道普普通通，熱熱地，都ok==

2008-06-20T03:47:00.002+08:00

除原有的版外，開始排多另一版，
一開始是有些手忙腳亂，因為真係好多數字、錯字，
睇到眼都細埋，
阿姐成日催我，好緊張呀﹗
不過佢幫咗我好多，希望可以做埋隨夜版就好啦﹗

係等車期間，係office睇報紙、同阿膠講電話，聽到大老細叫人食曲奇，
不斷講：「食啦，人手整0家﹗」
之後我講完電話，大老細就話：「快d過黎食啦，人工整0家」，
原來係jenny bakery，

信用卡

2008-06-12T03:27:00.004+08:00

中學某年暑假，我在某銀行做暑期工，那裡的人待我不錯，福利也很好，當時為方便出糧，就開了戶口，之後一直沿用，不離不棄，而且都好滿意(基本上我冇乜要求)。

本身我呢已有一張渣打卡，但他們成日打來話多謝用佢哋張卡，所以叫我借錢(?!)，打咗好多好多次，好煩呀﹗把心一橫就cut咗佢﹗咁就想申請埋用開果間銀行嘅信用卡。

昨日見到樓下有promtion counter，今天就特別早起，帶齊文件去申請，點知…唉…呢啲就叫攞黎賤喇﹗個counter有1男2女，男的明顯是阿頭，我同佢講我想申請信用卡…

男：miss，有冇帶齊文件﹗(我當場呆一呆，以為俾人審問)
我：有。(遞上文件，其中有封係地址證明)
男：你想我拆定你拆呀？(非常串﹗)
我：吓？封信開咗喇，係側邊。

男聽罷就放下申請表，又唔同我點填，又唔講解吓，就自顧自係我面前大大聲講電話：

佢：喂﹗積金局嘅信可唔可以當住址證明呀？
我：(心諗) 白痴啦你﹗積金局唔得唔通要大耳loan先得呀？﹗

咁最後梗係得喇，之後佢就去咗一邊做嘢，我一個係on 膠膠咁坐係度，另2個妹妹係度執野，等咗好耐都未整好﹗搞咩呀？我想申請信用卡啫，又唔係要借錢，做咩要受氣先？之後越想越嬲，終於叫果個男嘅俾番哂d資料我，轉過身就走入分行，求其向一個人投拆佢哋好冇禮貌﹗﹗我要complain﹗ complain﹗﹗ complain﹗﹗﹗我並非說顧客永遠是對的，但我只要求有返基本的尊重，你求其扔d申請表係我面前，咁算點？

返到公司，跟同事講起，佢哋話未見過有人自己送上門申請信用卡，仲要受人氣，「我以為你去拎綜援添﹗」老細仲叫我cut哂 d 戶口服務，轉去第二間仲好，我考慮緊。

喂我係度

2008-05-13T04:03:00.001+08:00

其實我不是潛了水，
日記，打了好多篇，
不過沒有發佈而已。

想好好整頓一下心情，
適當的時候再說吧!

始終會過

2008-04-19T02:50:00.002+08:00

這一條路很漫長，亦很痛苦，
可是再難過，也要過，
總會有走完的一天。

我常常對自己這樣說。

編版

2008-03-17T03:16:00.001+08:00

今日，突然收到一個消息，老細同我講：「你今日開始編版﹗」雖然一早接到通知我要開始學編，但只是一星期一版啊﹗怎會變成一星期六版呀？我連字都寫唔好喎……老細說要密雜式訓練……

雖然我勁驚，但仍然好冷靜咁答：「係。」(正一鱷魚頭老襯底)

試晝版時，我嘗試用大大張相去充撐版面，但被同事看到，說：「喂!你張相大過頭版張相呀!!」可想然之有幾過份。

好多野做

2008-03-13T02:54:00.002+08:00

感覺上踏入3月，我的工作就很不順利。

人事上的變動令工作量增加，每日每時每刻都在工作，而且我有一個專欄仍未掌握要訣，做來做去每期都被彈回，每次都要同事、老細以及我大量的腦細胞去應付，他們應該很想殺死我!!!

更要命的是，今個星期我開始要學埋排版，下周就教新同事做!!!

p.s.同事仔仍逃不過命運，已變為國金小王子!

無聊

2008-03-05T04:21:00.000+08:00

無，我係想講：「好眼訓。」

我真係好鬼醒

2008-02-26T15:03:00.000+08:00

今日晚了起床，便飛的回公司，誰知到工業村入口時，看到一條長長的車龍，同事仔打來說裡面撞了車，他在shuttle bus上，說等我一起行回公司，因為不知要塞多久，的士又不斷跳錶，故我一口答應，行了數分鐘，車龍竟然開始動!!!!!你可以想像我當時的情形嗎?你估到我心中說幾多聲他媽的嗎?

同事仔適時打來，說shuttle已高速向公司駛去，叫我努力……我只有向前行啦，其實好遠0家，幸好身上有麵包及汽水，邊行邊食(兼食塵)。突然聽到有人叫我，原來是大老細以及野人先生，我隱約聽到野人先生說沒位載我，抱歉啦之類!我只有笑一笑，繼續行路，心想：「可惡，向我炫耀?!」終於，花了45分鐘才到達公司，同事仔一見我就笑……

然後，我在深夜打電話給老細交待工作時，他告訴我原來野人先生是叫我上車，但見我沒什麼反應，以為是認錯人……吓?咁都得。

當我呆掉的時間，隱約聽到另一同事說：「你真係好鬼醒既0者…」

栢芝超嬰語錄

2008-02-25T00:19:00.002+08:00

Lucas三個月大
「音樂細胞，佢出世都有。佢好鍾意睇電視，暫時最大興趣就係望住電視，追劇集，佢望緊時，你隻手唔小心响度撥，佢會撥開你隻手。即係話遮住佢個鏡頭，我都覺得好奇怪，點解咁細個會睇得咁投入?」
唔知佢又睇唔睇得出邊個係人邊個係鬼呢?

「我個仔望住燈既時間，我覺得佢好似係度諗緊收購中華電力咁，總之佢睇任何野都好似想搞上市業務咁!」
咁過咗海，又會唔會想收購埋港燈?不如你幫下我地呢d小市民，請佢減下電費啦!

Lucas兩個半月大
「我個仔已經識得轉身同認人啦!仲成日0依0依哦哦咁發出類似『媽媽』既發音。」
0依、哦同媽，好明顯係三個不同既音喎!

「佢兩個半月大著九個月既衫，仲要fit哂喎!佢又高又長又肥，人地三轉六爬九學行，佢0依家兩個月已開始轉身啦!」
嘩，照咁睇，可能三歲未到就入大學，沈詩鈞?彈開啦!

Lucas兩個月大
「佢兩個月一禮拜已經識行!我搣住佢胳肋底，話『walk to mommy』，佢真係左腳踏前一步，佢右腳真係好明顯有意識地右踏，右腳踏完一步，佢左腳又踏……0依家已經好快左右左右左右係咁行啦!」
由此看出令公子不但具有語言天份，而且雙腳有力，建議參加行路上廣州、毅行者及渣打馬拉松，一定可以籌到好多錢，我實贊助0家!

穿耳

2008-02-24T23:10:00.000+08:00

今日，我突然去了穿耳。

事出必有因，要由我小學年代說起，有次阿媽無啦啦帶我去西灣河太安樓的一間小店穿耳，我不記得過程，只知道一隻耳穿得不好，釘歪了，耳環只連著耳珠小許皮肉，流了些血，我就不肯再穿，記得阿媽事後說：「你穿了一隻耳環，好似黃家駒。」老實說，一個小女孩不會因被說像黃家駒而高興的。之後，聽說我當晚就嚇得燒至104度，就得了肺炎入法國醫院，醫生說遲5分鐘送來就沒命了。

所以，打後的十多年，不知是不是童年陰影，我對耳環都沒有什麼興趣，也不是怕痛，只是……沒有感覺，直至我見到這對耳環!!!

看見的時候就決心要穿耳，但只看過一次，很快便售罄，我託文子去日本找也沒有，後來她說有又一城有，但一直沒有機會去，昨日跟tom去又一城看戲，終於見到了，我立即大膽提出動議買下耳環，旋即被他冷冷的一句「你都冇耳洞」打倒，今日我就第一時間去了穿耳，希望星期六去時還有貨吧!

probation

2008-02-21T23:04:00.002+08:00

這幾天，都是一些不開心的新聞，肥肥走了、edison回港(這也算不開心?係呀，因為對住d照都對到厭啦，快d停啦!)我的心情也不好。

在工作上不斷出錯，雖然提早通過probation，但我壓力更大，常不安地想：「老細係唔係好後悔請咗我返黎成日激到佢嘔血呢?係唔係覺得我做野好差呢?係唔係好後悔俾我縮短probation?路遙知馬力，日久見人心，估唔到我越做越差?……」

晚上，我想早些走，便問一下老細有無特別事要做，怎知他叫我做定下星期要交的稿，因為今個星期的交遲了……賴嘢!!

在茶水間遇上同事仔，他說：「你問乜春呀?快d走啦!」我覺得好爆笑，同事仔真可愛，之後我真的立即走了。唉。

立頓

2008-02-20T13:56:00.000+08:00

今次，算我最爆了!

當我和文子在瘋狂e-mail之際，老細突然走過來，露出狐疑的神情問：「你個e-mail講咩，我睇唔明既?」吓?我走過去一望，原來我誤將給文子的e-mail寄了給老細呀!!!

幸好只是一句沒頭沒腦的說話，並非在講事講非，更加不是講我老細壞話，好彩!文子說識了我多年，對我的無厘頭廢話有一定程度的了解，就如：立頓!!<--無人知點解吧?!

倫理小故事

2008-02-18T02:25:00.005+08:00

今日，我要同大家分享一個好感人既倫理故事。

從前，有間水電舖，養咗隻好食懶飛既貓，叫水電貓。

老闆同老闆娘都好錫佢，但就好少俾佢食至愛既偉嘉。

有一日，老闆娘同水電貓講，你唔係我地親手仔黎0家……

你阿爸係偉嘉果間公司既主席兼大股東。

嘩!水電貓聽到好開心，即去認返親生阿爹同娘親，打算日日食偉嘉!

點知認完冇耐，佢阿爸就話：「阿仔!你俾人閹咗既?咁點承計皇位同我地開枝散葉呀!」

之後，水電貓又返去水電舖，繼續訓。

摌!!!

2008-02-15T01:36:00.002+08:00

昨日走得太急，竟然犯下彌天大錯，今日返工就被人摌上天花板，同事說幫我改錯補鑊至深夜，令我好難過，而且他今日是放假的，會不會是專登回來鬧我呢?

現在的工作壓力超大，一點錯出也不可以，會死人的，老細又會無啦啦打來問你一些意想不到的問題，如那3個保險計劃其中一個既會lock死幾多年之後先可以拎到唔知幾多錢?嘩!你估我係電腦，係公司就話可以睇返資料答你，但半夜1:30你叫剛回到家的我如何是好?

其實，他們是很好的。

情人節

2008-02-14T23:28:00.002+08:00

==留意!重點不是花，而是後面的水電貓相^0^==

咁大個女算係第一次收花，多謝，想不到你會買:)

本來約好在大坑吃晚餐，誰知趕稿是無情的，一而再、再而三地延遲，最後要tom打包外賣到我家附近的foodcourt，真的辛苦你了!

幸好pizza及雞翼仍很美味!加上肥coke，一流!

聾喵 - 滾

2008-02-14T02:18:00.001+08:00

真係好鍾意小克，好鍾意聾貓!

利是

2008-02-13T10:34:00.000+08:00

不知從何時起，我習慣在初七人日才會一次過拆利是，今年收獲豐富，大部份來自公司及tom的親戚，哈哈!好開心呢!

已定下要買一樣東西獎勵自己，沒因由的，只是想令自己開心一下。

年三十做UFO

2008-02-07T05:28:00.000+08:00

年三十晚，公司只有我一個小人物，以及大老細以及大大大老細(我係有好多老細0家)，一直跟那些保險利率搏鬥，天呀~好深奧呀!

看過zz的網站，她說自己對數字不敏感，但現在又要做有關的工作，她說就像做火箭一樣，而我呢，就覺得自己做UFO，但會在空中解體囉!!!

後來向大老細求助，他問我為什麼要計這些數，你老細教了你嗎?我說沒有，因為都沒時間，總之一言難盡，但他還是很好人地教我用了excel計，好開心，不過後來又出現難題，他說：「下?你係度計咩呀?呢d要專業會計師/理財師先會計，都係等你老細教你啦，好難三言兩語解釋俾你聽。」

之後，我就走了，臨走前，我跟大大大老細講bye bye，第一次，算乖。

回到家，我就盡量做，做到最好就send出去了，現在是早上5:30am!!!

為什麼我那麼搏要在今日內做好?除了他講好要在年三十晚e-mail給他外，其實主要是我不想他話我，記得上星期有日，他突然check我進度，我手上有2隻故仔，但只做了一隻research以及問料，而他也就有點兇地說我不可以這樣，要同步進行，因為新年放很多假，人家不返工，但我們仍有版，所以要找齊所有資料。

雖然平時他也會這些碎碎念，那時我的心情不太好，他又有點惡，所以心中就有氣：「喂!我放星期六、日，上星期出盡最後一口氣趕哂所有故仔，星期一早出去做野，之後晚上又要出去，幾個鐘係公司，搵到一隻既料已好好啦，你仲想我點先?做UFO都要時間0家。」

但當然沒說出口，他一向好人，我知他只是急，教訓得也對，所以我都會提自己要快D快D，日間搵料，晚間寫稿，YEAH!

絮語

2008-02-04T14:18:00.000+08:00

好凍，這幾天都好凍，冷得我手指也僵硬，打不到字……(咁我點搵食?)

本來想去弄個負離直，但連續兩個星期六、日都訓到天黑，日上三竿已不能形容我了，又不是做苦力，頂多是打打字加打打電話，最遠都是行落一層到小食部買燒賣，有多累呢?!我懷疑自己夢遊，每天都行路上廣州!!!

同事(超正經地)說：「你真係有病呀!」

雖然工作很累，不過卻很不錯，覺得頗適合自己，當然很多東西仍在適應中，也偶爾(其實是常常)做錯事，但每天還都是開開心心的上班去，我想，那已足夠。

淫照風波

2008-02-03T02:30:00.000+08:00

已記不起那一日開始，公司爆出一陣嘈吵聲，之後各同事即開相庫，爭相觀看，我才看了一眼，就覺得要暈倒，好‧變‧態!!!

悉知我個性的朋友，都知我很怕看裸體，男女也不行，我會頭暈及作嘔，文子曾問我：「咁你睇自己又會唔會呀?」梗係會啦!舉例說我很怕廁所有一片大鏡，特別在旅行時酒店一定會有，我沖涼時最怕看到自己，所以我會先放熱水，待鏡子被水蒸氣弄得矇矇的，就火速沖涼，然後又要火速穿衣，以免水蒸氣散去，沖一個涼，好像跟時間打仗，很累。

噢~扯得太遠，就是這樣，我在公司那幾天都很暈，很爆!!!只看了幾張，八八卦卦的，看的時候也不敢看重要部位，但亦很難避開(喂，大大個close-up喎!)，說真的，我初時相信是移花接木，雖然我部門的全體同事也說是真的，但我想這是假的話她們會好過一點，現在，真的假的也不要緊，唉，那些女孩子，好慘!

好似fanny話齋，你可以做任何事，但每件事都會有後果!

想做的事

2008-01-28T01:15:00.001+08:00

2008年想做的事，呀…倒不如說是現在想做的事，跟什麼年度大計無關的。

靜靜地獨處幾天
到離島走一圈
在黃昏慢慢地散步
看一本好多字的書，首選哈利波特7
看報紙、雜誌(家中存了大堆未看的)
訓個靚覺
同水電貓勁玩
減20磅
做負離子
睇joey演唱會
穿耳，然後買agnes b的耳環
盡情玩動物之森
執屋
整理從印度買回來的東西以及相
睇魔幻星塵同魔街理髮師
想去下d美容院做facial

由此可看出，我個人其實幾悶同自閉。

媽媽給叮噹的回信

2008-01-27T13:11:00.000+08:00

媽媽給叮噹的回信
23. January 2008 Category 貓貓, 暫託手記 R1520

孩子:

我公幹回來了, 這個月忙得要死, 到外地工作整整半個月, 一回港便收到Elaine姐姐早前留下的口訊, 我便立即覆電給她。

你知道嗎? 我掛念你得很。自從你2歲開始, 我從我大姊的手上把你接來, 大家便一起生活了十個年頭, 若不是早前抱你到spca, 這一年便是十一年的開始了。若不是我工作太忙, 若不是我有了寶寶, 若不是見寶寶可能會氣管敏感, 我實在是十萬個不願把你送到spca或交給別人。

你最近可好? 便便拉得怎樣? 我問了elaine姐姐, 她說你現在平均2-3天才拉一次大便, 我聽了有點不高興, 似乎你便秘的問題嚴重了吧。elaine姐姐告訴我你現在轉了全濕糧, 她不再給你乾糧了, 我有點擔心, 你自少便吃得慢, 又不大懂吃濕糧, 沒有乾糧給你嚼嚼, 你會否肚餓?

我問她你還有沒有跟出跟入, 我記得從少至大你也很黏人, 每天都要跟著我的腳步走, 總是不肯離開我半步, 我一抱你, 你便高興得擁著我咕嚕咕嚕咕。elaine姐姐說你現在的性格也沒變, 也是黏著人, 嗲聲嗲氣的, 得知你沒有不快樂, 我安心多了。

elaine姐姐問我你的妹妹怎樣? 你也想知道嗎? 她給送到我大姊那兒, 由我的大姊照顧。elaine姐姐又問我怎麼不把你送到大姊那兒? 坦白說, 我為你擔心, 因為大姊家中已有六隻貓兒了, 再添你一個, 我怕她照顧不善; 而且她又沒有帶貓咪去看獸醫的習慣, 你的便秘毛病得持續去看獸醫的嘛~!

elaine姐姐說星期天會帶你覆診, 我說我願意支付醫療費用, 怎說, 也希望為你儘點心意, 雖然我擠不出丁點時間去照顧你, 但我也希望以金錢去補償這個錯失。

願你健康, 願你快樂。

愛你的,

媽媽

source from：http://www.elaine-chan.com/?p=218
=========================================

這種不知廉恥的女人，我連罵都懶得罵。

博益結業

2008-01-25T23:59:00.000+08:00

ATV：博益出版社宣布下月起暫停業務 2008-01-25

成立二十七年的博益出版社宣布，下月起暫停業務。

博益員工今日最後一天上班。開創中文袋裝書概念的博益出版集團，下月一日起停業。集團解釋，暫停業務是要集中資源發展南華早報集團的核心業務。與博益有七年合作關係的作者陳雲海表示，星期四接到通知，現在仍未知道如何解決版權問題：「整件事頗震驚，因為第一是在老字號品牌出版社，第二是在本港算是穩健，也決定要停業，對我們作者是個很大衝擊，以前出版了的書本已有版權的，他們不會放出版權。」

有文化研究員認為，博益停業反映在香港的出版業生存空間愈來愈少：「主要因為讀者群收窄，好的作者都難以維生，沒有太多人寫作．．．中國大陸（出版）的書質素比香港好很多。」博益出版集團一九八一年成立，當時出版不少袋裝書，不論小說或是本地題材，都很受讀者歡迎。

==================================================
博益都摺?出版界的生意真係咁難做嗎?聽聞博益是有盈餘的，市場上流存著許多小道消息，而最令我震驚的是「市面上所有博益、一本堂書籍，將於三月尾將停止銷售、收回並銷毀，以後也不會出版。而出版社亦不會讓作者取回所有簽約作品的版權。」

喂，呢個係好大既問題呀!!!d作者辛辛苦苦嘔本心血出黎，你同我銷哂佢?係唔係有病呀?博益同好多人出過書，佢又唔賣返版權出黎，仲要銷毀d餘貨，d書咪成絕版?!仲係好唔環保呀，環保署、地球之友、綠色和平、環保觸角做野!!!!!!!!!!!!!

嘩!我覺得好似文化大革命囉，下一代想睇果d作家既書，去邊搵呀?真係嬲scmp咁做!!!!!!!!!!!!!!
抗議!!!!

本來一直都唔打算用既facebook，為左加入佢地既支援博益作者及反對博益結業大聯盟，我都漏夜開左，希望可以廣傳消息，喚起更多人關注，藉以尋求解決方案。

博益的相關文章：
馬仔市集
http://moliuology.mysinablog.com/index.php?op=ViewArticle&articleId=981978
天航 - 博益結業，焚書滅版
香港文化界大悲劇：博益停業

妹妹仔

2008-01-25T23:44:00.000+08:00

好凍好寒!

今日11點就出去做訪問，又早又凍，連我老細都不禁自問：「咁解我要約今日?點解要約咁早?」真是無言問蒼天!做完訪問，我就話俾佢知我約錯今日另一單assignment，攝記哥仔立即幫我打回公司，同我擺平了，所以晚上的訪問也順利完成。唉，其實是有一點技術性錯誤，回到公司，我向另一個老細(係呀，我有好多老細0家)講出我的煩惱，他亦教了我很多事情，大感謝，希望下次可以做得更好。

其實我也有嬲怒自己，因為自己不是新入行，卻表現得像個傻瓜似的，今日還有受訪者問我是不是剛畢業……

我有點明白文子的所謂「妹妹仔」煩惱。

靘肺

2008-01-25T03:00:00.000+08:00

當你半夜3點，心血來潮check assignment時，突然發現自己落錯野，你會點?唉……咪打下blog，之後訓，預備被人照肺，聽日，應該人人都知我有一個靚肺。

熊出沒注意

2008-01-22T23:00:00.000+08:00

今日恒生指數：開市:22,624.289，收報: 21,757.631，跌: 2,061.23 (-8.65%)

熊出沒注意，來一個熊抱吧!

tom：「我等左呢日好耐啦，我要撈底，趁低吸納，嘿!」
may：「咁你想買咩呀?」
tom：「xxx同yyy囉，你話好唔好?」
may：「嗯…都幾好，呢家你買咩都係平啦。」
tom：「咁係0家啦，你聽日一開市就幫我入啦!」
may：「吓?咁即係要我9:30am起身，你未免太殘忍啦……可惡!」

日記

2008-01-22T14:44:00.000+08:00

一直都有寫日記的習慣，由小學三、四年級至今，雖然不是每日記事，不過卻沒有放棄，有些心底話，不想、不能跟別人分享的，都寫在日記中。有時並不是什麼祕密心事，或許只是一些流水帳式的紀錄如咀咒別人、記住邊個邊個得罪我、以及只寫「我很累，要訓了」的廢話都不少，但回頭細看，我就會感到一種生存著的實在感。

原以為自己對手寫日記並不是如此依賴，但當我07年出發去印度前，發現我已填滿舊日記的每一頁，而且又未有時間去買一本合心水的，直到拖至今日，我終於在pc後買到了，雖然不是之前想買的三眼仔，但有tinker bell都不錯，至少，我發現原來沒有日記的生活好難過，有很多感受或無聊絮語都無處發洩，似是有重重石頭壓於心頭，如今，透過我的復仇日記(?!)可以得到抒發。

累

2008-01-19T23:26:00.000+08:00

我一直說自己好累，那到底有多累呢?昨夜一訓，至今天6:30pm才起來，初時我很納悶，想：「點解出面咁黑既?落大雨呀?」，呆了一會，我才看到電話上的時間是……6點半，晚上!!!!

之後我又發現自己傷風了，兼且又肚痛，oh~究竟發生咩事先?

晚上都沒心機出去，tom來探我，我也在睡，sorry，實在太累了。

不瘦降之迷

2008-01-16T23:23:00.000+08:00

工作很忙碌，4個人的工作由2個人分擔，我跟同事仔都做到傻，不過我同文子、同事仔每日都瘋狂e-mail，到底咩事呢?呢3個人個個都聲稱自己好忙喎!

我不斷說自己好黑仔，由印度回來即大病了一場，之後又突然肚瀉了10多天，最高紀錄1日8次，最後因抵不止痛楚再去睇醫生，連我阿媽都問我：「你係唔係在印度中左降頭呀?」

最詭異的是………竟然1磅都冇瘦到呀!應該係中左「不瘦降」。

我的頂頭上司說：「點解仲未請到人0家?我係唔係受到咀咒呀?」
不好意思，因為係我太黑累埋你，不過我唔敢講佢知。

虐貓狂徒你小心d

2008-01-12T01:55:00.000+08:00

以下資料及相片轉載自：

http://www.elaine-chan.com/?p=215#more-215

http://szekiu.mysinablog.com/index.php?op=ViewArticle&articleId=952060

http://hk.myblog.yahoo.com/jos-catgarden/article?mid=4903

這是 06 年 12 月的她

很漂亮的貓女, 經常在我家附近出沒. 對人有戒心, 但和住在地下的嬸嬸特別好, 嬸嬸亦經常餵飼她.嬸嬸說已有一段時間沒有見到她. 豈料今日興她再會時, 她變得很瘦弱. 胸口被人纏了一條橡根圈!橡根圈已令到她的皮肉潰爛! 她現在對任人何人都有戒心. 曾嘗試捉她都不成功. 為什麼人可以這麼殘忍? 我如何可以幫到她?

現在貓貓的最新消息﹕
幸得有心的義工們不辭勞苦，耐心地等待，捕捉及等候了數天，終於在今日捉到了牠，並送往獸醫處治療，經醫生檢查後，原來貓貓係被人用極不人道的方法,，將一條繩由身體左邊胸口強行穿過身體後, 再由右邊胸口穿出, 再繞到背部打個結。身體的傷口腐爛, 需麻醉將其切除。希望貓貓順利完成手術，早日康復!

==============================

喂!大家也是來世界混一趟，何必呢?

出黎行，你預左要還呀!

降頭之迷

2008-01-09T14:22:00.000+08:00

2008年，一開始就行衰運。

大病一場、身心疲累、友情考驗、工作犯錯，完全錯哂!發生咩事先?

今日再一重擊，攝記說昨日影的相，有幾張死左開唔到，完全救唔返，
而那幾張，正是我一定要落的……
同事說：「我做咁耐都未試過。」

我想，我可能在印度中了降頭。

甲乙師奶

2008-01-07T23:06:00.000+08:00

晚上竟然早收，跟tom到觀塘食雲南米線，同枱有2位師奶，外加一位約4-5歲的小妹妹。

一開始，我只是低頭密密食，直至阿姐送錯麵給她倆，
其中一名操大陸口音的師奶甲，
咀"廟廟"地串阿姐：「妮丁五清就溫丁楚啦~」
好明顯，我相信阿姐唔係聽得唔"丁楚"。

之後，甲乙師奶就狂講果位妹妹同佢姐姐既不是，

乙師奶：「我最唔鍾意妹妹講大話同講粗口。」
甲師奶：「係呀，妹妹唔可以講粗口0家。」
乙師奶：「……(講緊唔知咩)，正一係x街黎0家。」

非常好!

一邊吃米線，她們一邊數落妹妹的姐姐，說她爭寵，欺負妹妹，說了很多很多姐姐的壞話，老實說，我甚至覺得那個姐姐，不是這位師奶的親生女兒。

乙師奶：「我偷睇佢日記，見到佢寫好憎我地同妹妹。佢都知我偷睇0家!」

我想用「無恥」來形容這位母親，不但是偷睇日記的行徑，而是她沒有去探究姐姐為什麼會出現問題，是不是她本身做了一些行為，令姐姐以為妹妹得寵，母親冷落了自己?為什麼她不反省自己?反而將負責不斷推給小孩呢?

那一刻，我突有衝動反枱鬧人，真的。

忙

2008-01-07T15:01:00.000+08:00

回到香港的第一週，在公司忙到飛起，
但又跟同事仔瘋狂e-mail，
專題日日有，人就得2件蛋散，
日日忙到飛起。

今日同事仔問我：「隔日交轉題，唔係你就我。」
我答：「呢d咪叫俾人輪囉。」
同事仔：「…唉。」

病

2008-01-04T03:06:00.001+08:00

望住一大堆藥丸，突然有厭世的感覺。

咩事先，感冒未清，
今日潟左8次，好唔好去睇醫生呢?但我已食緊11粒藥喎?

唉。

呆

2007-10-24T17:49:00.000+08:00

我其實是一個很沒記性的人，煩事纏心時，常常會魂遊太虛，通常我心事重重的日子，就會有很大機會忘記洗頭及刷牙。

說出來可能也沒有人信，我可以入浴室沖涼、洗面，但忘記洗頭出來，當頭髮乾了但又有點油膩感時，我才驚覺自己好似無洗頭；早上出門前，有時也會突然想起自己好似未刷牙，真大鑊!

其實我是想說，今日我又忘了洗頭，在5點幾才發現，即拿拿聲走去洗頭!

陶傑 - 副學士

2007-10-20T00:49:00.000+08:00

大學不一定是學術自由的場所，還是戀愛轉型的金鐘中途站。

大學四年，本身是一個很現實的小社會。女生在第一年的上學期，通常都忙把本來的小男友甩走，自己進了大學，他卻過不了這道門檻，要報名副學士課程或更不堪的展翅計劃；或者自己進了港大，他只去了城大，感覺上總是有點怪怪的，拖下去不如早解決。

「有沒有發覺，自從我進了大學一年級之後，我們好像有點合不來？」在翠華茶餐廳，她一面調拌眼前的菠蘿冰，一面開始宣讀她的判詞：「I mean，其實在讀預科的時候，我們的世界好像越來越遙遠，我想，大家都到了這樣的年紀，是不是應該冷靜地Find out ，怎樣去解決這場Crisis？」

這句話，觸動了滿臉暗瘡、架銅絲眼鏡的他敏感的少男觸覺細胞。他放下啃了一半的奶油多，用廉價紙巾抹抹嘴角的煉奶：「我知，你即是嫌棄我。你入了Hong Kong U，你好。我只係讀副學士，我配唔起你，但我可以等。」

「Come on, James，可不可以成熟一點呢，」她說：「在你的眼中，我是不是一個那麼功利而現實的女孩？其實我們的Differences，在唸F6時就已經湧現了。例如，升F7那年暑假，我想去歐洲，你卻堅持要去九寨溝，我們還吵了一架，從臣一直在想，我們會不會是屬於兩個不同層次的人。」

「但是，」他意識到他可能的歸宿，但還不甘心地上訴：「那次係因為我唔夠錢，我只可以Afford報名關鍵旅行團啊。無錢係一種罪過嗎？如果係，點解你唔老實講？」

「I''m not talking about money ，你很清楚。」她把語氣抬高半個音階，這時她發覺自己有點像在立法會發言的余若薇：「還有，我不可以忍受你在選舉中投票支持長毛。我覺得他不夠理性，我不希望我的Boyfriend漸漸也迷上哲古華拉的海報和著作。我不是反民主，只是比較接受四十五條關注組。上一次在西貢的海邊，我對你說過的，只是你那時並沒有用心聽罷了……」

「我×！」他終於發脾氣了：「我知你係睇唔起我，我分手算了！」他拿起帳單，走到櫃，回過頭來恨恨地說：「恭祝你考入了Hong Kong U，祝你學業成功，搵到個醫科生做老公吧！」

他走出了翠華。她木然望，此刻有想抽一口煙的衝動。手提電話響起，她接聽：「喂，喂呀，是你呀，我跟他把一切都講清楚了……」

那是港大法律系二年級的新男友，進了大學，總會有許多無辜的犧牲，不一定都在試場……

翻譯心法

2007-10-08T21:51:00.000+08:00

第一日返工有特赦，可以返9點，先到HR報到，聽姐姐講解員工手冊，再到部門坐呀坐，因為全世界都在忙，沒人有空理會我，老細就叫我看報紙雜誌，吃飽飯再看，令我很想睡。

之後他就叫我譯外電，看到那些財經英文名詞，我簡直急死了，看也看不懂，怎譯?最後我還是用了其中(大專時的教授)之翻譯心法 ---「能直譯就直譯，不能直譯就意譯」，最後當然是譯了，不然可以怎樣?不過，寫得好不好就是另一問題啦……

最後，4點就可以走了，yeah!

明天……7點……開工……啊…

橙

2007-10-07T21:34:00.000+08:00

大概，人與人之間的相處，就是人生的一大難題，
我們總是希望別人去配合自己，能按自己的意思去改變，
因為這樣比較容易和舒服。

不過，當你、他、她都希望同一個人按自己的期望而作出獨特的改變時，
這個人將會變成怎樣?
打個比喻說，一個橙能同時成香蕉、西瓜、提子嗎?
最後這個橙將會變成什麼都不是，

甚至再不是一個橙。

阿may整餅

2007-10-06T23:06:00.000+08:00

== 朱古力黑森林蛋糕 (脆脆底) ==

蛋糕係我整0家~係唔係好勁好靚呢!我自己都覺，呵呵呵!

今日去了forum上網友介紹的cake library整蛋糕，一堂約200元，視乎你整咩蛋糕，包埋材料及學費，我覺價錢都ok。

一堂2小時，共有6人跟一位老師，工具及材料都分配好，最用是用完不用洗，遇到有什麼問題老師會立即幫忙，又可以隨便發問，整個課堂的氣氛很好。

好好玩，想不到我cream的修飾及士多啤梨的點綴下，這個蛋糕會咁靚!

生日快樂tom~(預祝)

3

2007-10-05T23:09:00.000+08:00

本來今日想用tom的戶口來買w580i，
但sales說因為他是用3G plan(佢本身係用2G機，屈佢用3G)，
如果要買w580i這款2G機，
就要轉一個更貴的2G plan，
連同台短訊都要收錢，fuxk!!!!!!

突然好討厭李+x。

好想換手機

2007-10-04T23:36:00.000+08:00

最近情緒有些反覆，
昨晚大哭了一場，
幸好有fanny肯凌晨三點聽我訴苦，
謝謝你啊!

好想買w580i，

收到上份freelance錢後就會買，

當作是自己送的生日禮物~

再為自己打打氣

2007-10-03T17:44:00.000+08:00

近日有點莫名的失落，失眠的問題再次出現。

再用食物打打氣!

為自己打打氣

2007-10-02T17:33:00.000+08:00

今朝返醫院覆診，我覺得近日情緒已受到控制，起碼無日日喊同做傻事啦，

不過仍然有點反覆，其中有一種藥食左會好暈，

之後醫生就轉左另一種藥，用作穩定情緒之用，

她說初返工時會有些不習慣，情況有可能轉壞，叫我放鬆點。

其實我知自己還未完全放下，現在的情況好似在踩鋼線，

一旦有少少刺激，我就會有好大反應，

人亦不時無啦啦感到好失落，對新工作，亦有不少擔憂。

好啦，那就食一個魚生飯，為自己打打氣!

水陸墟

2007-09-26T23:46:00.000+08:00

好累!黑咗!這是我今天的結語。

今午三時，烈日當空，我和tom竟由大埔墟行到海濱的盡頭，一來一回要用上近三小時，真的是累死我了，其實我只是八卦那個海濱的「水陸墟」，去到原來只是一些小攤檔賣小食、工藝品之類，比教有趣的是坐花艇到漁排一轉，每位三十個大洋，因為我們出發時已近黃昏，回程時看到美麗的日落，提得一提的是，還有近期人氣很勁的比華利山近景^0^!

最後，我買了這東西為禮物，大家估下係咩!

啦…

啦啦…

啦啦啦…

啦啦啦啦…

啦啦啦啦啦…

之唔係…改錯帶囉!真抵死!!!

八月十五去見工

2007-09-25T23:58:00.000+08:00

八月十五，是日無聊!玩大白兔燈籠~

中秋佳節去見工，著住套suit於工廠大廈穿梭真不好受，熱死人了!還有，為什麼長沙灣廣場不是在長沙灣，而是在荔枝角呀?幾乎玩謝我!!!

晚上突然取消bbq，只好改玩白兔燈籠，拿著燈籠在街上賞月，我倆聊起拍拖衫時的趣事，突然…

Tom：(正經、認真)我有d野想講!

May：嗯?(一定係想講d肉麻野啦~真衰)

Tom：我…好急，想去廁所。

May：吓?……* _ * #$%^&#……(用力打Tom!)

Tom：咩0者，呢d係自然生理現象呀!

May：那你快去順應自然的呼喚吧!

明月當空，花前月下，一對情侶就是如此「情話綿綿」。

穿珠仔

2007-09-24T23:43:00.000+08:00

上星期陪tom少爺到深水埗工作，有人說要稍後才到，我便到珠仔街逛了逛，結果買下了材料，打算做2條飾物手作仔。

今日下午send完信之後，一時技癢就開工了，第一次穿珠仔的我雞手鴨腳，簡直粒粒皆辛苦，幸好最後成功完成。黑色珠仔那條我覺得很滿意，黑中帶閃，很高貴的感覺；至於銀色珠珠那條也不錯，想不到效果會如此出眾，我在街上見過很多人戴，可是我就不知是什麼牌子，所以就膽粗粗自己買了材料硬來，結果…還可以吧?如果有誰知道那裡可以買到正版，請告訴我啊!

== 我可能是穿珠仔的天才啊 ==

鐵路博物館

2007-09-23T23:43:00.001+08:00

雖然阿tom家近鐵路博物館，不過我倒也未曾去過，趁今日下午有時間，就帶著相機去看看。

博物館不是很大，很了大半個小時已參觀完，但有很多有趣的可以拍攝，tom第一次用我的canon單鏡反光機，不知效果如何呢?

== 我坐的頭等車廂啊 ==

== 另同場加映捲到成個波黎訓既水電貓 ==

外野手

2007-09-22T23:42:00.000+08:00

嘻嘻~上面碟刺身係唔係好正呢?

嚷了好久的文子生日飯，今日終於可以食到了，我之前在某個forum看到觀塘有間日本料理風評不錯，就在大坑渠附近，名叫「外野手」，放題每位$158(另加一服務費)，試過後整體來說真的是好好啊!

首先就是刺身新鮮到不得了，尤其是甜蝦及x貝(忘了叫什麼)真的很鮮甜，各類魚生也很有水準，而且出手也很闊綽，每次送上你填的份量，總之是非常足夠，不像某些黑店，叫一次才得1-2片!

除刺身外，還有很多熱葷不錯，如燒牛腓骨、北海道帶子、燒粟米、燒青椒、炸生蠔、天婦羅等等，全部都是即叫即做，熱呼呼的，好好食啊~

由於食物太太好食，而且我們太多廢話講，所以我只拍下幾張照片，實際上我們叫好多食物，食到我們捧著個大肚子走!下次有機會我們再去食吧!

p.s.多謝你們的遲了一年的生日禮物啊~哈哈!

再p.s.不過我連今次生日飯的主角文子都未送禮物!

euro gogo

2007-09-21T23:30:00.000+08:00

今日tom好早放工，我就提議到觀塘食飯，本來他想吃pizza hut，但我怕兩個人吃會不划算，那倒不如去淘大的euro gogo，以前我樓下商場foot court有間小小的，食物不太貴而且味道不錯，可惜沒多久就摺了，上星期經過淘大有間分店，今晚就趁此機會去試試吧!

我們叫了一個百寶pizza、辣肉腸意粉、蜜糖雞翼及酥皮薯仔湯，其中最有驚喜的是pizza，薄菟的批皮加上滿滿的材料及大量的芝士，叫人忍不住口啊!雞翼脆皮、意粉也可口(但凍了就有點膩)，至於那個酥皮薯仔湯就令人失望，酥皮焗得不好，外面的太脆，裡面就太黏，湯嘛，就跟罐頭湯一樣味道，不過整體來說也很滿意，價錢也平過pizza hut很多，我們兩個吃了約$130元，外加汽水一杯。

吃飽之後去打機，途經德福時看到有「肚臍祭」，真的是肚‧臍‧祭，哈哈!好搞笑~

來到德福，我們都想去打太鼓，結果到了virtual zone打機，今次我們打難度最低的，結果三首歌都pass，玩了一局就去玩photo hunter及winning，等我用nds操熟太鼓之達人再來挑戰(打街機刺激得多，但很貴一鋪啊)!!

== 在門口看到有貼紙機，就去影了卡 ^.^ ==

每當變幻時

2007-09-20T00:45:00.000+08:00

這套戲本來是想到戲院看的，但一直未有實際行動，卒之等到落畫兼出了vcd我才租來看，看完的感覺是……「睇完好似冇睇過」。

整套戲的感覺是平平淡淡，阿妙及魚佬的感情是點到即止，不過我大概是太蠢，完全get不到當中的感動位，此外部份劇情更是做作非常，如在天台擺酒一幕，菜婆跟他老公(忘了賣什麼的)高叫「五十年不變」，看得我雞皮掉滿地。

還有，阿妙不是欠債嗎?她節儉到凍飲加兩蚊都要計較，還會經常坐的士?

如果當是笑片來娛樂一下，就相當不錯啦!benze雄飾演的警司及鄭融扮的ol好好笑，但表現最突出還是出去闖天下的豬‧肉‧佬，每次出場都有笑料，正!!

bra la bra la

2007-09-19T23:02:00.000+08:00

以下內容或令男士不安，敬請留意

‧

‧‧

‧‧‧

‧‧‧‧

‧‧‧‧‧

女人，天生就注定要比男士多花錢，如m巾及bra，兩者都是女人額外的消費，而我身材屬優良成績，一向就難買bra，試過在以bra平聞名的泰國，因找不到我的size而敗興而歸，一度以為除非再度發育，否則非和街市100蚊4個的肉色老土bra長伴下半生……但!

近日我竟突然找到兩間bra鋪，那裡不但有大量款式青春、設計可愛的bra賣，而且最重要的是兩者都走少女路線，完全切合我身材的成績呀!!!!好開心~

一間是走中高檔路線以「 Keep a Little Secret 」作為口號的bla bla bra，我買了兩個bra，大約$400元，而另一間是undercover，走的是平民(?!)路線，價錢較平，幾十元已有交易，款式也很可愛。我個人認為，論質料及舒服，還是bla bla bra勝一籌，undercover是有一點硬，布料不及前者軟，其餘一切也很好，值得推介!

官網-->bla bla bra

一點改變

2007-09-18T23:27:00.000+08:00

今天心情不錯，突然想來點改變，或許是時間放手，雖然仍念掛，但人總是要向前走。

另外，早前fanny送我斜眼貓球體砌圖，今天花了三小時砌好了，好可愛呢!!!謝謝，你心意我收到了!

IPSA

2007-09-17T19:35:00.000+08:00

話說從前有個小美人看過信爺的推介後，就一直心思思想買IPSA的自律循環液，但由於價錢問題而一直未有行動。有一天，她發起神經，趁男朋友沒注意就跑到專櫃摸摸看看，本來只想買一瓶乳液的她，結果買了整套系列，非常豪氣，但荷包當然大出血啦!

用後感：貴野果然唔同D~哈哈，我覺得這個更生活化保濕液(即是自律循環液，可能港台兩地譯法有別)真是相當不錯，官網上說是：

集中修護角質層，展現水潤透肌，極速滲透分子加速水亮複合物迅速滲透肌膚，配合平衡離子配方，即時潤澤角質層，全面改善粗糙乾燥；活性緊膚分子促進膠原蛋白更生，肌膚飽滿緊緻，時刻細緻滑溜。

然後在網絡上看到一些用後感說一瓶就可以包含化妝水、美容液、乳液的效果，主要幫助皮膚自我更生，對於這點我亦深表認同，擦了兩個星期，肌膚的紋理細緻了，毛孔也變得沒那麼顯眼，面油也出少了很多，覺得皮膚開始變得水嫩，我大力推介呀!

但我不明白為什麼那個化妝小姐會說一定要買clear lotion，我用了反而覺得太黏膩，而且ipsa的官網也是說一瓶簡簡單單已足夠了，頂多加個水份精話，我對toner、clear toner這一類東西很敏感，一擦即出油，現在一瓶就解決問題，那反而更好，多簡單。

至於那個雙效水潤潔面皂(左一)出乎意料的，擦出來泡沫很細，也不會洗完乾巴巴的，不錯。

另外由於我豪買了一整套，IPSA送我一個把鬼鐵盒裝化妝棉，另加送一次facial，嘻嘻，我未過出去做facial呢!好心急想去試呀!

Mos Burger

2007-09-14T16:27:00.000+08:00

前陣子send了mail去一間公司求職，很快便收到回覆約我面試，今早去到門口時才發現是某保險公司…=.=，我看到要填一張「夢想計畫表」，即是多少年內要賺多少錢、升到什麼職位之類，我就直接問接待我的小姐，所謂的marketing executive是不是保險經紀，她說是，我就直言說不太適合就走了，害我朝早起床過海啊!

晚上和tom去apm吃飯，我試了很出名(?!)的Mos Buger，我那款是素菜rice buger，味道不錯，有飯很飽肚，tom試了一口說像壽司，薯條則很普通，下次要試試另一款飽!

== 看我一身行政look ^.^ ==

木瓜牛乳

2007-08-31T16:15:00.000+08:00

自從中七那年暑假，我和朋友到台灣旅行，在墾丁喝過一杯木瓜牛奶後便愛上了，回來香港總之找不回當日的味道，試過多款木瓜牛奶不是太甜就是沒有木瓜味，四洲那牌子算是最好喝的。

而以下的，更是近更我喝過最難飲的，那種怪味像木瓜水!!!!被它美麗的外表欺騙了，可惡!!!

== 好‧難‧飲 ==

水電貓vs大白狗

2007-08-26T12:05:00.000+08:00

有一天，我和tom在看水電貓睡覺，突然……

我：「水電貓真的很惡啊!」

tom：「(吞口水)是啊!」

抑鬱症

2007-08-14T18:15:00.000+08:00

醫生說我患了抑鬱症，要接受治療。

近月發生了一件很不開心的事，我的情緒一直處於低點，只要一個人靜下來，眼淚就自動流出來，前天去找tom，坐車時哭，看到他樓下的水電貓也哭，牠用那雙大大的眼睛看著我，一副事不關已的樣子。

SpACE oDdITy

2007-08-13T18:43:00.000+08:00

Here am I floating round my tin can
Far above the moon
Planet earth is blue
And theres nothing I can do

I'm feeling very still

馬仔簽名會

2007-08-11T17:15:00.000+08:00

哇卡卡~太好了，馬仔簽名會呀，我以為自上次書展飲恨後，短期內都無簽名會，想不到在徇眾要求下，今日於尖沙咀新世界中心再辦一場呀!!!仲要任影任簽任畫公仔同講野呀~好似buffet呀!

雖然出去時心情不太好，不過見到馬仔好開心，我上台時有些怕羞(見到佢真人嘛!)，tom就主力同我影影影，馬仔真人好瘦好靚對眼好大，有張側面的相影到我的手臂是她的兩倍啊，很嚇人(所以不會放出來)!!!

我跟馬仔說這段日子很不開心，問她可否寫一些鼓勵的說話，她說再不開心也要健康，所以祝我身體健康，日日開心，還叫我笑呢 :) 同場台下有書展，tom買了一本斜眼貓給我，有小禮物收，開心!

== 馬仔寫了很多字給我，兼附一個她的自畫像，yeah ==

不神似的畫像

2007-08-05T16:09:00.000+08:00

據我前同事所說，這是出自他手所畫的May，很明顯，作為designer的他完全不合格，我的口才沒有那麼大呀!而且我的衣著品味好得多，真人明顯可愛得多，0分!!!!!

他一定是找死了……

(不過都多謝你，好開心收到呢張畫，但記得下次要畫得似d!)